Vastelaoveszondig 11 fibberwarie 2018, Neel - entree gratis!

Vastelaoves Villaasj nuuje impuls veur vastelaoveszondig

11 fibberwarie 2018 waert eine gans speciale daag. Op dae daag – vastelaoveszondig – sjteit in Neel veur de allereerste keer de Vastelaoves Villaasj oppe agenda.

Toet aafgeloupe jaor trok de optoch door de sjtraote van Neel, mer deze trók jaómer genog sjteeds minder bekieks. Nog efkes en de deilnummers kóste zich aafvraoge veur waem ze zich al det werk op de hals gehaold hadde en veur waem ze zich meug gemaak hadde óm daonao ein good glaas beer te gaon drinke in de Neelder kefees of in de soos en vastelaovend te gaon viere.

‘Dao mós get gebeure’, vonje ein paar richtige vasteloavesvierders. Zie sjtoke de köp biejein en kwóme mit ein geweldig idee op de proppe: de ‘Vastelaoves Villaasj’.

‘Eine vastelaovend zónger optoch is wie ein glaas beer zònger sjoem’, zólt geer zègke. En dao höb geer geliek in. D’r zeen in Neel – en daoboete – heel get luuj die zich elk jaor weer in de gekste creaties sjtaeke of ein sjpeel opveure, wo mit zie zake op de hak naeme en anger luuj ammezere. Die luuj höbbe ‘t vasteloavesgeveul en sjtraole det ouch oet. Die make de vastelaovend en die – mer auch de anger vastelaovesvierders – zou se waal heel erg tekort doon es d’r nieks meer te doon was. En det kin natuurlik neet.

Laes wiejer