Waat is det noe persies?
De Parade is ’t hert van de Vastelaoves Villaasj in Neel. De Raodhoessjtraot is ’t dekaor en… ouch ’t podijum óm dien vastelaovessjpel te sjpele. Laot dich zeen en maak gekheid mit ’t publiek, trék op en neer door die sjoon sjtraot en amuseer dich en de luuj mit dien vastelaoves-ek.
Ederein kin mitdoon, allein, same mit angere of mit zien tweetjes, ’t maak nieks oet. Op de Villaasj geit ’t óm mitdoon en mitbelaeve. En det geit veur ederein op.
Gebroek al dien kreativiteit en humor die se höbs en laot dich zeen op deze bóntje kirmes. Gank en maak ketak mit al die anger gezèllige gekke om dich haer. Loop mit in de Parade of laot op ’n anger meneer de anger miense veule waat-s doe van de vastelaoves-kleinkuns vinjs. En waem wèt waers doe dit jaor ’t Parade-paerd of ’t Troetel-paerd.
BELAEF EN SJPEEL MIT……. VEUR DE GANSE FEMILIE.
Opgaeve veur de Vastelaoves Villaasj kint geer door ein meel te sjture nao: programma@vastelaovesvillaasj.nl
