De Raodhoessjtraot waert ómgetouverd toet e bóntjgekleurd vastelaovesdörp, wo se ouge en ore tekórt kums. Mit acts, meziek en väöl meer…. Dit keer traeje ouch weer geweldige artieste op. Gein ‘grote’ name maar juus verrassende acts, die de kleinkuns van de Vastelaovend in ere haje. ’t Waert weer e heerlik vastelaovesfees, veur jónk én aad. Ouch dit jaor doon veer de lempkes weer aan, en waal toet 21.11 oer.
Waem kint geer zoal allemaol verwache? Angela Opperman, Mick Leijendeckers, Waem angers, Geweun Ingrid en Edwin, Sjnaps, de Bacchusclub en netuurlik ós eige Prinsekepel. Ouch zal ós Neelder Dansgarde haore dans oetveure. Op Good Gelök zal veur de letste keer oppe Buun sjtaon. En taege de aovend zal de buun zeen veur de liveband Mosse Frits vraoge, Wiesse Oet Zuus en netuurlik de Sjonnies!
Truuk van weggewaes dit jaor is ’t Paradepaerd! Laot dien kreativiteit de vrieje loup en laot dich zeen! Sjtael de sjow mit dien orzjiNeel idee en verras ’t publiek mit dien ekt! Rondj 16.30 en 17.45 kinne alle aspirant Paerdjes de catwalk betraeje om häör prachtige kreasies te laote zeen aan os Villaasj publiek.
