Algemeine informasie

Vastelaoves Villaasj;  hét Vastelaoves-femielie-festival van Limburg. Mis ’t  neet!

Höb geer d’r ouch al zin in? Op vastelaoveszóndig 11 fibberwari is ’t weer zo wied. De Villaasj is hét Vastelaoves-Femilie-Festival van Limburg. Lekker loestere nao de meziek, sjoenkele, danse en klassjenere. Mit dien femielie, vrunj, naobers of emes dae gezèllig naeve dich sjteit. Want bie de Villaasj dreijt ’t óm mit mekaar de vastelaovend te belaeve. En det gebeurt in e fantasties aangekleidj vastelaovesdörp, dit jaar in ’ne Venetiaanse ambiance. Op ‘t preuf en proosplein kin se genete van e good glaas beer en ouch e hepke aete.

in 2024 traeje ouch weer geweldige artieste op. Gein ‘grote’ name maar juus verrassende acts, die de kleinkuns van de Vastelaovend in ere haje. ’t Waert weer e heerlik vastelaovesfees, veur jónk én aad.

De kienjer ammezere zich euveral oppe Villaasj. Lekker róndjhange bie de pap of bie de mam. Of kieke bie de Villaasj-Kids-Buun in de Soos.

Gekkigheid en mitdoon dao geit ’t óm. Dus gebroek al dien kreativiteit en alle humor dae se höbs en laot det veural zeen op de sjpesjale Parade-buun. Hie kins se paradere, zo döks wie se maar wils. En zo krieg dien kreatie al de aandach die ’t verdeent. Pak dien kans én waem wèt waers doe dit jaor ’t Paradepaerd of Troetelpaerd!

Oppe Villaasj geit ’t óm same de vastelaovend te belaeve. Det maak ’t toet e uniek vastelaoves-femielie-festival! Kóm en belaef de Villaasj, sjpeel mit…….veur de ganse femielie. Kóm en belaef de Villaasj, sjpeel mit…….veur de ganse femielie.

Wilt geer dit unieke evenement sjponsere, naem dan kontak op via sponsoring@vastelaovesvillaasj.nl

Ein sfeerimpressie van de Villaasj in de aafgeloape jaore

Copyright Eric Gerbers en PhotoCord