Klik hie veur de Bingo livestream

BELAEF EN SJPEEL TOES MIT!

Vintj geer ’t ouch zo jaomer? Neet mit ederein te kinne klassjenere oppe Vastelaoves Villaasj. Gein vol Raodhoessjtraot, geine oploup bie kefee-zaal de Sjmeed of bie de buun bie de kirk. Véér laote uch same toch bie-ein kómme, maar dan waal ‘corona-proof’!

Hiebie krieg geer van ós de oetneudiging óm same mit gans Neel ’ne bezónjere vastelaovend te viere. Geer kint uch noe graties insjrieve veur de Eerste Echte Vastelaoves Villaasj Bingo dae vastelaoveszóndig 14 fibberwarie waert gehaje. Op dae daag kint geer mit ’ne ‘livestream’ via Facebook ’t sjpeel same toes belaeve. Same de vastelaoves-gekte belaeve mit ’t bingosjpel. En óngertösse laote zeen det geer mitdoot door foto’s in te sjture. Wie det allemaol wirk mit die foto’s en zo, kint geer binnekort vinje op dees website en angers ligke veer ’t nog waal ins op dae daag zelf oet.

Mitdoon geit heel sumpel, besjtel uch bingokaart hiej-ónger!

Maar lèt op! Sjrief uch noe flot in, want d’r zeen maar e beperk aantal plaatse en vol is vol. 

Doot good veurbereid mit aan de Vastelaoves Villaasj Bingo!

👉 Doe höbs nog tot zaoterdig 13 fibberwari 18:00 oer om ein bingokaart aan te vraoge
👉 Dien bingokaart is meerdere runj te gebroeke. Zorg dus desse fiches, beerdöpkes, muntjes of get angers höbs om de nummerkes mit aaf te dekke.
👉 Biej eine bingo belse 06 83 10 75 23. Zit dit nummer alvas in diene tillefoon.
👉 Natuurlik zorgse TOES veur ein heerlike vastelaovessfeer en höbse dien vastelaovespekske aan!
👉 Laot dien femilie, vrunj en buure zeen desse mit duis. Plaats ein foto op Facebook mit #villaasjselfie. En mesjien zuusse dichzellef truuk in de livestream. Belaef en sjpeel TOES mit!

De bingo is mede meugelik gemaak door het Roermond Fonds.