De Vastelaoves Villaasj op 3 maart in Neel haet dit jaor ein ‘aope buun’. Zegk mer ein soort van ‘Hyde Park Corner’ mer den in Neel.
Op ein sjpesjaal plekske in de Villaasj kint ederein zich ein eige podijum pakke zónger aanmeljing of aankondiging. Meziek, ein vastelaoves präötje, ein grépke of geweun get heel sjoons, alles kint en moog op die ‘aope buun’.
De Vastelaoves Villaasj in ós NEEL is ein ech vastelaoves-dörp, gemaak in de Raodhoessjtraot mit heel väöl vastelaoves -artieste en leuke luuj die ze normaal zuus in ein optoch! Dao, in ‘t hert van die parade, kinne einzelgängers, groepe of dujoos euver ‘de luiper’ häör krejasies laote zeen.
Oppe buun kómme artieste veur uch optraeje oet alle windjsjtreke en der is ouch eine sjpesjale hook ‘Zum Blauen Bock’ [lekker preuve dus]. En de kinjer waere zeker neet vergaete…… dus ‘kómme jónges en maedjes’ ! Der is venalles te doon! Mit ozze nuje ‘Aope Buun’ derbie zeen veer uch gaer ónger ós motto Belaef en sjpeel mit!
