Op 2 maart 2025 is van 16.00 toet 17.00 oer de Blindj sjanse mit bar geäöpend veur BM’ers (Bekinde Miense) en kandidate die zich höbbe aangemeldj.
Op de Villaasj gaon BM’ers én aangemelje kandidate same daten. De BM’ers zeen onger angere Donald Trump, Max Verstappen, Johan Derksen, Maxima, Chantal Janzen, Beppie Kraft. Veer make d’r same mit uch ein sjoon sjpeel van en haope op ein paar sjieke nuuj sjtelle mit ein onvergaetelike herinnering aan de Villaasj van 2025.
Veer gaon de succesvolle matches de kommende jaore blieve volge, en biej gezinsoetbreijing ze de komende edisies van de Villaasj aan uch prizzetere.
Dink geer noe sjpontaan “dét liek mig toch waal gét veur mig” dan kint geer nog ein mailtje sture nao info@vastelaovesvillaasj.nl
