Op 1 fibberwarie kins ze in de kefees van de Remunjse binnesjtad de Ambassadäör van Neel en zien gevolg taege kómme. Die zeen op promosietoer veur de Vastelaoves Villaasj. Vanaaf hallef zes s’ aoves kan dit gezelsjap gesjpot waere op de Roerkade, Stasieplein en Zjwartbrookplein.
“Es Ambassadeur pries ich dit sjitterend inisjatief van herte aan óm op dees meneer de vastelaovend es ein soort sjtraottejater te prizzentere. Vastelaovend verbindj ós allemaol, ’t kint gein hökskes en grenze. Same dit sjpeel sjpele, de sfeer preuve en mit doon, dao geit t óm. En dét gaon veer doon euver 2 waeke in Neel”, det zaet de Ambassadäör van de Neelder Ambassade, Sybert van Keeken.
