Neel duit t angers; de Villaasj is ein suukses!!!!
Det sjreef de “gezet” daags nao de eerste versie van de Vastelaoves Villaasj op zunjig 11 fibberwarie 2018.
En det waas ut ouch…. Veuraaf vreugs ze dich dan aaf waat motte en kinne veer verwachte en is t aafsjaffe van de optoch gein good idee???
Sjtraot tejater is waal get angers! Maar ut euvertrof eders verwachtinge. De ganse Raodhoessjtraot, waerde ein buun veur heel väöl optraejes van groepe, meziek, dans en einzelgengers. Aete en drinke en veur de kinjer ein eige sjpeel plek mit DJ.
Verkleid of neet, jongk en aad ut waas ein grandijoos gebeure.
Mit elkaar klassjenere en aajhore det gebeurde dao allemaol.
Nae… de Vastelaoves Villaasj motte veer in ere gaon haje en zellefs de versjlaaggaever van L1 goof in de reportaasje te kinne det der ein nuuj tradisie gebaore is.
En die kump der en waal op Zunjig 3 Meert 2019.
