De Parade, det is ’t hert van de Vastelaoves Villaasj. Veer ligke de luiper oet veur ederein dae ’n vastelaoves-ekt geit doon. Ederein moog mitdoon. As einzelgänger, as duo of mit ’ne groep. De Raodhoessjtraot in Neel det is dien buun, maar tegeliekertied ouch dien dekór. Doe löps door de sjtraot en sjpeels dien vastelaoves-sjpeel. Doe wits waal, geweun gek doon mit ’t pebliek, zo wie det allein mit de vastelaovend kint.
De Parade maak de Vastelaoves Villaasj gans uniek. ’Ne traditionele vastelaoves-optoch is flot veurbie, maar de Parade blief de ganse middaag op de Vastelaoves Villaasj. En det beteikent det de miense de ganse middaag dien kreatie kinne bewónjere, maar ouch det de miense zich euver dien kreatie kinne verwónjere. En waem wit waers doe waal ’t Parade Paerd 2020.
Belaef en sjpeel mit. En melj dich aan veur de Parade oppe Vastelaoves Villaasj mit ’ne email: programma@vastelaovesvillaasj.nl
Foto’s: Photocord en Strooptocht.eu
