De kern van de Villaasj is de Parade euver de luiper, ein rood lintj door de Raodhoessjtraot wo de humor die vreuger in de optoch leep vrie róndj kint paradere . En ederein kint dao aan mit doon! Bedink ‘n thema en gank aan de sjlaag om det oet te beelde. Zo lang de humor en ‘t plezeer d’r mer vanaaf sjpat is alles meugelik.
De meis biezunjere deilnaemer aan de Parade van de Villaasj zal door ‘ne deskundige jury waere beloond mit de eretitlel ‘Beste Parade Paerd van de Vastelaoves Villaasj 2019’. Sjrief dich in via: www.vastelaovesvillaasj.nl/informasie/mitdoon of kom op 23 fibberwari tösse 10 en 12 oer nao de Kleine Tovenaar oppe Hoeksjtraot.
